Безнең Чирмешән
  • Рус Тат
  • Чирмешән районында бер ир-ат балигъ булмаган кызына тупас мөнәсәбәте өчен хөкем ителгән

    Чирмешән районы буенча 1 нче суд участогы җәмәгать судьясы 44 яшьлек ир-атка карата хөкем карары чыгарган – гаеплегә, кызын тиешенчә тәрбияләмәве һәм аңа тупас мөнәсәбәте өчен, ирегеннән мәхрүм ителү җәзасы билгеләнгән.

    -Әлеге җинаять эшен караган вакытта, хөкемгә тартылучы исерек килеш кабат автомобиль белән идарә иткән өчен, иректән мәхрүм кылынып, җәза срогы үтә иде инде, - диде район прокуроры урынбасары Айназ Газизов. -Судта ачыкланганча, исерек хәлдәге әлеге ир-ат өйләрендә 16 яшьлек кызына кул күтәргән, кимсеткән, аны тәрбияләү буенча бурычларын үтәмәгән.

    Реклама

    Һәм менә нәтиҗә: барлык кылынган җинаятьләр буенча (исерек килеш кабат автомобиль белән идарә иткәне һәм кызына карата тупас мөнәсәбәте өчен) ир-атка бер ел да алты айга гомуми режимдагы колониядә иректән мәхрүм итү җәзасы билгеләнде. Билгеле, аңа өч ел машина йөртү турында да онытырга туры киләчәк.

    фото: архив

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: