Кармыш каһарманы хакында чит илләрдә дә ишетәчәкләр

Ильяс Бикбаев Җиңү бәйрәмендә быел да Чирмешәндә радиостанция урнаштырып, авылдашы, Советлар Союзы Герое Бари Габдрахманов хакында радиоэфирда сөйләргә җыена.

Түбән Кама шәһәрендә радиосөючеләр клубы җитәкчесе Ильяс Бикбаев (тумышы белән Кармыш авылыннан) Җиңү бәйрәме уңаеннан республика шәһәр һәм районнары буенча радиоэкспедициягә чыга. Махсус аппаратура ярдәмендә махсус чакыру - РП72БГ (Россия Победа 72 Бари Габдрахманов) позывное аша эфирга чыгып, ул каһарманыбыз батырлыгына кагылышлы хәбәр таратмакчы. Бу хакта Россиянең байтак шәһәрләрендә, хәтта чит илдәге радиосөючеләр дә ишетәчәк.