Безнең Чирмешән

Чирмешән районы

18+
Рус Тат
2024 - Гаилә елы
Безнең якташлар

Кара Чишмәгә өч солдат кайтты

1 декабрь көнне районнан берьюлы 8 егет армия хезмәтенә китте. Нәкъ шул көнне дүрт райондашыбыз ил алдындагы изге бурычларын үтәп кайткан. Иң кызыгы - алар дүртесе дә бер көнне киткәннәр, бергә хезмәт иткәннәр, бергә кайтканнар. Һәм тагын, егетләрнең өчесе - Илмир Билалов, Илгизәр Хөснуллин, Динар Шәфыйков - Кара Чишмә авылыннан,...

1 декабрь көнне районнан берьюлы 8 егет армия хезмәтенә китте.

Нәкъ шул көнне дүрт райондашыбыз ил алдындагы изге бурычларын үтәп кайткан. Иң кызыгы - алар дүртесе дә бер көнне киткәннәр, бергә хезмәт иткәннәр, бергә кайтканнар. Һәм тагын, егетләрнең өчесе - Илмир Билалов, Илгизәр Хөснуллин, Динар Шәфыйков - Кара Чишмә авылыннан, берсе - Рамил Сафин - Түбән Кәминкәдән.
-Хәрби киемдәге дүрт егетнең килеп керүе безнең өчен дә кызык булып китте, ничек туры килгән бит, - диләр ТР хәрби комиссариатының район бүлеге хезмәткәрләре.
Якташлар Архангельск өлкәсендәге Мирный шәһәрендә хезмәт итәләр. 2013 елның 25 ноябрендә өйләреннән чыгып киткән егетләр бер елдан - 30 ноябрьдә исән-имин якыннары белән очрашканнар.
-Рамил белән караватларыбыз да янәшә иде. Калганнар белән дә һәр көнне очрашып тордык. Билгеле, авылдашың, классташың белән хезмәт итү рәхәт, - ди Илмир Билалов. - Армия хезмәте ир-егетне чыныктыра, авырлыклары булса да түзәрлек. Һәр ир кеше ил алдындагы бурычын үтәргә тиеш дип уйлыйм.
Әйе, дөрестән дә, егетләр чыныгып, җитдиләнеп кайтканнар.
-Хезмәт итү ир кешенең бурычы, ул авырлыкларга түзәргә тиеш. Күпме дуслар таптык, дөнья, "ак төннәр" күреп кайттык, - ди Илгизәр Хөснуллин.
Армиядән кайткан егетләрнең өйдә озак торырга исәпләре юк, шәһәргә китеп эшкә урнашырга һәм читтән торып югары белем алырга ниятләп торалар.

Следите за самым важным и интересным в Telegram-каналеТатмедиа

"Безнең Чирмешән"нең Яндекс Дзен һәм Телеграм каналында иң мөһим, кызыклы вакыйгаларны күзәтегез.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: undefined Кара Чишмә районный совет Комиссариат Каменка