Чирмешән районының Әккәрәй ветеранына 90 яшь тулды

Әккәрәй авылында яшәүче Анастасия Сипатровага 90 яшь тулды.

Ульяновкада туып үскән Анастасия Романовна 1958нче елны Әккәрәйгә Михаил Сипатровка тормышка чыга. Кызганычка каршы, алар бергә озак яши алмыйлар, 1969нче елны Михаил Федорович вафат була. Анастасия Романовна дүрт бала-дүрт малае белән үзе генә кала. Үз гомерен ул аларга багышлый, аларны берүзе аларны аякка бастыра.

-Безнең әни искиткеч мәрхәмәтле, ачык йөзле кеше. Гомере буе кешеләргә ярдәм итәргә тырышты, бүген дә аңардан фатиха сорап килүчеләр бар. Без дә, балалары, 10 оныгы, 10 оныкчыгы аның янына ешрак кайтырга тырышабыз, -диләр әниләренең, әбиләренең юбилеена җыелган балалары.

Юбиляр якташыбызны котлап, Россия Президенты һәм район башлыгы исеменнән бүләкләр тапшырдылар.

Ландыш Зыякова фотолары