Түбән Кәминкәдә суык бәрәңгегә дә зыян салган

Быел табигать әллә нишләде, әле яңгыр, әле җил, әле суыклары белән куркыта. 28 майдан 29 майга каршы төндә Түбән Кәминкәдә һава температурасы 0дән дә түбән төшкән, иртән су өстендә боз катламы бер бармак калынлыгы чамасы ук булган.

Суык ачык һавадагы гөлләргә, помидорларга, баш төрткән кабакларга, бәрәңге сабакларына, шомырт чәчәкләренә дә зыян салган.

Дөрес, салкын һава теплицадагы үсентеләргә зыян итмәгән, тик быел, җылы җитмәүлектән, анда да кыяр, помидорлар яхшы үсеп китә алмый, диләр бакчачылар.