Шикәр комының – юнь чагы

Үткән атна ярминкәсендә капчыгын 1950 сумга шикәр комы да саттылар. Татлы ризыкның юнь чагы.

Чирмешәнлеләр бу көнне яңа тотылган балыкны да, җиләк-җимешне дә күп алды. Сөт ризыклары шулай ук тиз урнашты. Бәйрәм җитә бит, кунаклар сыйларга әзерләнәләр.

Иткә бәя бер тирәдә: дуңгызныкы (килосы) - 220, сыерныкы 290 сум тора. Катнашазыкка (капчыгына) 650 сум сорыйлар.

Ислам Габшакиров тавыклар алып килгән. Алалар, заказ да бирәләр, ди. Беләсезме, халыкта быел әтәчләр күп икән. Кайберләре аларны тавыкка алмаштыра. Ун тавыкка биш әтәч нәрсәгә?!

Чиләбе якларында 5-6 айлык булып үскән бозауларны 28-30 мең сумга алдылар. Бу төр маллар үткән елдагыдан кыйммәтрәк.