Сабыйларга – сөтле ризыклар

Бүген районда өч яшькәчә 431 бала "Бәләкәч" программасы нигезендә сөт ризыклары белән тәэмин ителә.

Алты айга кадәр сабыйларга сөт катнашмасы кайта, калганнарына сөт, эремчек, кефир бирәләр.

Бу ризыкларны биш көн саен район үзәк больницасына Казаннан махсус машина китерә һәм шул ук көнне аларны авылларның фельдшер-акушерлык пунктлары аша ата-аналарга җиткерәләр.

"Сөт ризыклары график буенча китерелә,- ди педиатр Саимә Әбдерәшитова. - Әмма кайбер ата-аналар балаларга килгән ризыкларны тиешле көндә алырга оныталар. Форсаттан файдаланып әйтәм: бу эшне икенче көнгә калдырмасыннар иде".