Әмир авылында Кыш Бабай олыларга күчтәнәчләр таратты
Кыш Бабай Әмир авылында яшәүче олы яшьтәге инвалидларны тәм-томнар белән сөендерде. Аларга Яңа ел күчтәнәчләрен район инвалидлар оешмасы җибәргән.
Оешманың рәисе Мәдинә Талипова үзе дә Кыш Бабай һәм Кар Кызы белән өйләргә кереп, авылдашларын тәбрикләп йөрде. Бу көнне Кыш Бабай капчыгында урамда очраучыларга да бүләкләр бар иде. Юмарт бабайның бик матур яңа киеме үзенә килешеп тора.
-Узган елда без, балалар бакчасы һәм мәктәп коллективы булышлыгы белән, ишегалларын Яңа елга бизәү бәйгесенең республика зона турында икенче урын алдык, аңа акчалата бүләк биргән иделәр. Миңа һәм Кар Кызына яңа киемнәрне шушы акчага Санкт-Петербургтан кайтарттык, - ди Кыш Бабай – авыл клубы директоры Фәрхать Нуретдинов.
Следите за самым важным и интересным в Telegram-каналеТатмедиа
Нет комментариев