Министр Чирмешәндә мәгариф учреждениеләре белән танышты

Чирмешәнгә отчет утырышына килгәч, республиканың Мәгариф һәм фән министры Рафис Борһанов кайбер мәгариф учреждениеләрендә дә булды.

-Рафис Тимерханович кадетлар мәктәп -интернатында уку кабинетларын карап чыкты, - ди район мәгариф бүлеге начальнигы Светлана Әхтәмова. - Мәктәп - интернат директоры министрга автобус сорап мөрәҗәгать итте. Ул әлеге мәсьләне тикшерергә һәм хәл итәргә тырышуы турында әйтте.

Борһанов Нурлат авыл хуҗалыгы техникумы филиалында ремонт барышы белән танышты, "Ромашка" балалар бакчасына да кереп чыкты, биредә үздырылган капиталь ремонтка уңай бәя бирде.

Автор фотолары