Чирмешән районының Нагорный поселогына чиста су яңа линиядән килә
Бүген 25 йортлы Нагорный поселогына чиста су яңа линиядән килә.
Хәер, элек монда су челтәрләре, гомумән, бер дә булмаган, коелардан гына файдаланганнар.
Чиста су линиясен Ульяновкадагы башняга тоташтырганнар, 3 километр арада торбалар салганнар.
- Хәзер Саминовкага линия сузабыз, торбалар сузабыз, - ди Ульяновка авыл җирлеге башлыгы Самат Шәмсетдинов. – Анда да су Ульяновкадан, 4 километр ара узып барачак. Бу объектта эшне киләсе елда төгәлләргә өметләнәбез.
Нагорныйга һәм Саминовкага су йөртәчәк челтәрләр “Чиста су” республика программасы буенча ясала.
Кадыйр Гомәров фотолары
Следите за самым важным и интересным в Telegram-каналеТатмедиа
Нет комментариев