Чирмешәндәге туган як тарихы музеенда Ватан сакчысы көненә күргәзмә әзерлиләр

Туган як тарихы музеенда - Ватан сакчысы көне уңаеннан күргәзмә әзерлиләр. Биредә Иске Үтәмештән Әхтәмовларның истәлекләре зур урын алып тора. Рафик Әхтәмов һәм аның өч улының хәрби хезмәттә кигән формаларын, әтисе Әсхәт абыйның сугышта алган медальләрен, аның абыйсы Рәфгатьнең сугыш кырыннан язган хатларының нөсхәләрен, фоторәсемнәрен, мәктәпне тәмамлау турындагы таныклыгын да күрергә мөмкин булачак. Болардан тыш, күргәзмәдә, төрле елларда, төрле гаскәрләрдә хезмәт иткән 15 райондашыбызның хәрби киемнәренә дә урын тапканнар.

Автор фотосы