Чирмешәндә балалар өчен Чыршы бәйрәме үтте

Ел саен декабрь азагында район үзәгенә авыллардан да балаларны чакырып, зур чыршы бәйрәме оештыралар. Быел ул кадетлар мәктәп-интернатының тамаша залында узган. Балалар бәйрәмгә төрле костюмнар киеп килгәннәр, шигырьләр, җырлар әзерләгәннәр.

100дән күбрәк баланы Кыш бабай белән Кар кызы якынлашып килүче яңа ел белән котлаганнар, уеннарда катнашкан сабыйларга мулдан бүләкләр өләшкәннәр. Ахырдан да яңа ел күчтәнәчләре тапшырганнар.

Чыршы бәйрәмендә катнаша алмаган - сәламәтлеге буенча мөмкинлекләре чикле балаларга бүләкләрне өйләренә барып, тапшырганнар.

cheremshan.tatarstan.ru фотолары