Безнең Чирмешән
  • Рус Тат
  • Чирмешән үзәк больницасы поликлиникасында капиталь ремонтка керешәләр

    Район үзәк больницасы поликлиникасында һәм хатын-кызлар консультациясе бүлегендә бик тиздән капиталь ремонт башланачак. -Татарстан Республикасында поликлиникаларны яңарту буенча президент программасы кысаларында, безнең үзәк больницага 67 миллион сум акча бүлеп бирелә, - ди баш врач урынбасары Рәфис Гафуров. -Төзүчеләр беренче кварталда эшкә дә керешергә тиешләр. Монда тәрәзәләрне, җылыту, канализация, вентиляция системаларын,...

    Район үзәк больницасы поликлиникасында һәм хатын-кызлар консультациясе бүлегендә бик тиздән капиталь ремонт башланачак.

    -Татарстан Республикасында поликлиникаларны яңарту буенча президент программасы кысаларында, безнең үзәк больницага 67 миллион сум акча бүлеп бирелә, - ди баш врач урынбасары Рәфис Гафуров. -Төзүчеләр беренче кварталда эшкә дә керешергә тиешләр. Монда тәрәзәләрне, җылыту, канализация, вентиляция системаларын, ут һәм су үткәргечләрне алмаштыру, яңа җиһазлар (мебель) сатып алу, идән һәм стеналарны ремонтлау күздә тотыла.

    -Больница җитәкчелеге ремонт вакытында поликлиникага килүчеләргә һәм медицина персоналына уңайсызлыкларны азайтырга тырышачак.

    Беренчел медик-санитар ярдәмне яхшыртуны күздә тоткан республиканың икенче бер программасы буенча, Яңа Элмәле авылында модульле яңа фельдшер-акушерлык пункты төзелә. Узган елда андый пункт Иске Элмәледә ачылган иде.

    Кадыйр Гомәров фотосы

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: