Балыктан кайтмаган

16 мартта Казанка янында, Зур Чирмешән елгасындагы бәкедә, боз астында шушы авыл кешесе Геннадий Моисеевның мәете табылды.

Күршеләре әйтүенчә, 57 яшьлек Г. Моисеев 13 мартта балыкка киткән (хатыны бу вакытта Тольяттида була), ләкин кире әйләнеп кайтмаган. Телефонга җавап бирмәгәч, хатыны күршеләргә шалтырата, ә тегеләр полициягә хәбәр итәләр.

- Балыкчы һәлак булган урынны без чаңгы эзләре буенча килеп таптык, - диделәр полиция хезмәткәрләре. - Лениногорскидан водолазларны чакырттык, ә мәетне боз астыннан үзебез чыгара алдык.

Хәзер су өсләрендә боз йомшарган, көпшәкләнгән, шуңа да бик сак булырга кирәк, диләр МЧС хезмәткәрләре.