Әмир авылында Чаллы әтәче “кычкыра”

 -Авыл уртасындагы әлеге беседка барыбыз өчен дә яңалык. Үткән-барганнарга үз йорты янында ял итеп алу өчен шундый урын ясау хакында Гайсә абый Миначев күптән ниятләп йөргән, - ди Әмир клубы китапханәчесе Гөлшат Әгъләмова.

 Аңа әлеге хыялын тормышка ашыруда күршеләре: Чаллыдан кунакка кайткан Фаил Хәйруллин, шулай ук Таһир Галимов, Әнәс Талипов булыша, алар беседканы бергәләшеп ясыйлар. Корылма башына калай әтәч тә “кунды”, анысын Фаил Мәгыйз улы Яр Чаллы шәһәреннән кистереп, ясатып кайткан.