Нефтьчеләргә рәхмәт

Февраль ахырында "Юбилей" Боз сараеның хоккей секциясендә шөгыльләнүче 100дән артык бала әти-әниләре белән Казанга "Ак Барс" һәм "Салават Юлаев" командаларының плей-офф сериясе матчына барып кайттылар. Балалар өчен бу чын мәгънәсендә мастер-класс, спорт осталыкларын камилләштерүдә зур стимул булды.

Әлеге сәяхәт "Шушмаойл" идарәче компаниясенең финанс ярдәме белән оештырылды. Әйтергә кирәк, бу беренче генә тапкыр түгел.

Боз сарае тренерлары, "Корыч ябалаклар" командасының ата-аналар комитеты балалар спортын үстерүдә ярдәм күрсәткәннәре өчен нефтьчеләргә рәхмәт белдерәләр.

Риф Зарипов,

"Юбилей" Боз сарае директоры.