Мордва Афонькәсенә бильярд өстәле кайтарганнар

Күптән түгел генә Мордва Афонькәсе авылында узган халык җыенында авыл мәдәният йортына бильярд өстәле кирәк дигән теләк яңгырады. Район башлыгы Фердинат Дәүләтшин халык фикеренә колак салды һәм бик кыска вакытта мәдәният учреждениесенә бильярд өстәле алып куйдылар.

Шул көннән соң безнең мәдәният йортыннан төнлә дә, көндез дә кеше өзелми. Бильярдның уңай яклары бик күп, ул кешеләрне якынайта, аны берничә кеше уйный ала, яшь буенча да чикләү юк.

Хәзер мәдәният йортына яшьләр генә түгел, ә өлкәннәр дә килә. Алар үзара көч сынашалар, оныкларын бильярд уйнарга өйрәтәләр. Бәйрәмнәргә кайткан кунаклар өчен дә бу бик зур сюрприз булды.

Форсаттан файдаланып, авылдашлар исеменнән район җитәкчелегенә рәхмәтебезне белдерәбез.

Наталья Семкичева, авыл мәдәният йорты директоры.

Кадыйр Гомәров фотосы