“Безнең Чирмешән”сез тора алмыйм

"Безнең Чирмешән" газетасының килүен һәрвакыт түземсезлек белән көтеп алам. Аны беренче битеннән үк игътибар белән укып чыгам.

Яңа ел бәйрәмнәре башында газета килмәде, бик уңайсыз булды. Без, олы яшьтәге кешеләр, хәзер инде әллә кая чыгып йөри алмыйбыз, шуңа да бөтен хәбәрне газета битләреннән укып беләбез. Танышлар турында аеруча кызыксынып укыйм. Күптән түгел генә газетада Лашманда яшәүче Нәхтимә әби Зыятдинова турында язганнар иде. Мәкаләне кызыксынып укып чыктым. Мин ул әбине бик яхшы беләм. Аңа 100 яшь тулган икән, хәтере дә яхшы, намазны да калдырмый дигәннәр. Менә бит нинди кешеләр бар.

Хафаза Мортазина.

Әмир авылы.

Гөлсирә Шәрифуллина фотосы