Татарстан синоптиклары атна башына фаразларын җиткерде

18 сентябрьдә алмашынучан болытлы һава торышы көтелә, урыны белән яңгыр явачак.

(Казан, 17 сентябрь, "Татар-информ"). Татарстан Гидрометеорология һәм әйләнә-тирә мохитне күзәтү идарәсе атна башына фаразларын җиткерде. Татарстанда 18 сентябрьдә алмашынучан болытлы һава торышы көтелә, урыны белән яңгыр явачак. Төнлә һәм иртән аерым районнарда томан көтелә. Җил көньяк-көнбатыштан, уртача тизлектә. Минималь һава температурасы төнлә - +5..+10 градус булачак. Көндез максималь температура +17..+22 градуска кадәр күтәрелә.

Сишәмбе - 19 сентябрьдә алмашынучан болытлы һава торышы көтелә, урыны белән бераз яңгыр явуы ихтимал. Җил көньяк-көнбатыштан, уртача тизлектә. Һава температурасы төнлә - +10..+15, көндез - +21..+26 градус җылы булачак.

20 сентябрьдә алмашынучан болытлы һава торышы саклана, явым-төшем көтелми. Минималь һава температурасы төнлә - +9..+14 градус булса, көндезге сәгатьләрдә максималь температура +14..+19 градус булачак, дип хәбәр итә синоптиклар.

http://tatar-inform.tatar/news/2017/09/17/148446/