Ял көннәрендә Татарстанда суыта. Һава температурасы нульгә төшеп, кайбер районнарда карлы яңгыр явачак.
Гидрометеоүзәк хәбәренә караганда, шимбә – 11 ноябрьдә көндез термометрның терекөмеш баганасы +2…+5 градус күрсәтәчәк. Төнлә 0…+3 градус тирәсе булачак. Яңгыр, урыны белән юеш кар көтелә. Төньяк-көнбатыштан секундына 6–11 метр, төнлә – урыны белән 15–17 метр тизлектә көчле җил. Якшәмбе – 12 ноябрьдә көндез һава температурасы 0…+4 градустан артмаячак. Төнлә 0…–4 градуска кадәр төшәчәк.
Синоптикларның башлангыч мәгълүматлары буенча, киләсе атна башында көндез +2…+7 градуска кадәр җылыта. Төнлә – 0 градус чамасы. Карлы яңгыр, көчле җил булыр дип фаразлана. Юлларда – бозлавык.
Нет комментариев