Салкында мәктәпкә бармасаң ярыймы?
Татарстанның Мәгариф һәм фән министрлыгы көчле салкыннар сәбәпле, нинди очракта дәресләр булмый калырга мөмкин булуын искә төшерә. Мәгариф оешмалары җитәкчеләренә көчле салкыннар чорында шулай ук җылылык белән тәэмин итү системаларының эшенә контрольне көчәйтергә тәкъдим ителә.
Шулай итеп, дәресләр авыл мәктәпләренең башлангыч сыйныфларында - 23 градуста, шәһәр мәктәпләренең башлангыч сыйныфларында һәм авыл мәктәпләренең 5-9 сыйныфларында - 25, шәһәр мәктәпләренең 5-9 сыйныфларында - 27 градус, авыл мәктәпләренең 10-11 сыйныфларында - 30 градус салкын, шәһәр мәктәпләренең 10-11 сыйныфларында - минус 32 градус булганда үткәрелми.
Моннан тыш, кышкы чорда ачык һавада физкультура буенча дәресләр, санитария нормалары һәм кагыйдәләре буенча, кече сыйныф укучылары өчен бары тик һава температурасы өч градустан да түбәнрәк булмаган салкында һәм җил тизлеге секундына 6-10 метрдан да артмаган очракта гына рөхсәт ителә, югары сыйныф укучылары өчен - 10 градустан да ким булмаганда.
Шул ук вакытта министрлык балаларны мәктәп автобуслары белән йөртүне һәм һава температурасы -25 градус һәм аннан да түбәнрәк булган хәлдә, муниципаль берәмлекләрдән читкә чыгуны туктатырга киңәш итә.
Следите за самым важным и интересным в Telegram-каналеТатмедиа
Нет комментариев