Рөстәм Миңнеханов хакимият органнарына гражданнарны штат режимында кабул итүне дәвам итәргә кушты

Татарстан Президенты Рөстәм Миңнеханов министрлыклар һәм ведомстволар, муниципаль берәмлекләр вәкилләренә гражданнарны штат режимында кабул итү эшен дәвам итәргә кушты.

Безнең республика гражданины дәүләт хакимияте органнарына мөрәҗәгать итә алмый йөрергә тиеш түгел, Мондый хәлгә юл куелмасын",  - диде Президент традицион шимбә киңәшмәсендә. Бу хакта "Татар-информ" мәгълүмат агентлыгы яза.

"Аерым санитар-эпидемиологик вәзгыятькә бәйле рәвештә эшнең сүлпәнәюе мөмкин түгел", - дип ассызыклады республика җитәкчесе.

Шулай ук ТР Президенты урыннардагы җитәкчеләрне кирәкле продукция һәм аның бәясен контрольдә тоту өчен кибетләргә, даруханәләргә үзләренә йөрергә чакырды. 

Татарстанда 15 апрельгә кадәр коронавирус таралу куркынычы белән бәйле Махсус санитар-эпидемиологик режим кертелде. Режим массакүләм спорт һәм мәдәни чаралар үткәрүне вакытлыча тыюны күздә тота.