Россиядә коронавирустан иммунитеты булган кешеләр саны билгеле
Әлеге вирус тиз йога, шуңа күрә авырмаган һәм прививка ясатмаган кешеләргә зур куркыныч яный.
Россиядә яшәүчеләрнең 20-70 процентында коронавируска каршы иммунитет бар. Бу сан төбәкләргә бәйле. Бу турыда табиб-инфекционист Евгений Тимаков хәбәр итте.
Аның сүзләренчә, статистикага коронавирусның раслаган очраклары гына кертелгән.
«Факт буенча төбәккә карап халыкның 20-70 процентында коронавирус инфекциясеннән иммунитет бар, әмма эпидемия процессын контрольдә тоту өчен бу гына җитми», — диде Тимаков «Россия 24» телеканалы эфирында.
Вирус җиңел йогу сәбәпле, авырмаган һәм прививка ясатмаган кешеләргә зур куркыныч яный, диде эксперт.
Фото: https://pixabay.com/ru
Следите за самым важным и интересным в Telegram-каналеТатмедиа
Нет комментариев