“Мәскәү карлары” Чирмешәнгә килеп җитте

автор, 21 гыйнвар 2016 - 11:13

4488

Соңгы көннәрдә мулдан төшкән кар район юлчыларына эшне арттырса да, игенчелек белгечләре исә мондый явым-төшемнәргә кинәнергә генә кирәк, диләр. Районда кар катламы чама белән 28-37 сантиметрларга җиткән. Норма 17-35 сантиметр тирәсе. -Кырларга кар калынрак яткан саен яхшы. Бабайлар, кар белән уңыш ява дип юкка гына әйтмәгәннәр бит, димәк, туфракта дым...

Соңгы көннәрдә мулдан төшкән кар район юлчыларына эшне арттырса да, игенчелек белгечләре исә мондый явым-төшемнәргә кинәнергә генә кирәк, диләр.

Районда кар катламы чама белән 28-37 сантиметрларга җиткән. Норма 17-35 сантиметр тирәсе.

-Кырларга кар калынрак яткан саен яхшы. Бабайлар, кар белән уңыш ява дип юкка гына әйтмәгәннәр бит, димәк, туфракта дым булачак, - ди агроном Рәдиф Гайнуллин. - Белгәнебезчә, кырларда дым көзге якта һәм кышын туплана. Көздән, күреп тордык, яңгырлар булды. Хәзер кар да күп. Участокларын көздән тирәнәйтеп эшкәртеп калдырган хуҗалыкларга бу бик зур файда. Иң мөһиме, язын дым каплатуны вакытында башкарырга кирәк.

Рәдиф Гайнуллин әйтүенчә, безнең районда 13 мең гектарда чәчелгән уҗымнарга быелгы кышкы салкыннар зыян салмаган. Дөрес, көчле суыклар кар тигез ятмаган басулардагы көздән ныгып калмаган көчсез үсентеләргә зарар китерергә дә мөмкин. Андый кырлар бездә бар, әмма күп түгел.