Кисәтеп тормыйлар

Төзекләндерү кагыйдәләрен бозучыларга җәза кырыс, бернинди кисәтүләр юк, хуҗаларга 2000нән 3500 сумга кадәр штраф салына.

Район башкарма комитеты каршындагы административ комиссия агымдагы елның 10 аенда 16 утырыш уздырды. Комиссия членнары 119 кешегә төзелгән беркетмәләрне тикшерде. Кагыйдә бозучыларга тулаем 208 мең сум штраф салынды, әлегә аның 137 500 сумы гына түләнгән.

Беркетмәләрнең күпчелеге чирмешәнлеләргә карата төзелә. Араларында йорт тирәсен тәртипсез тотучылар, малларын урамда йөртүчеләр дә бар. Беркетмәләр административ комиссия үткәргән рейдлар вакытында гына түгел, ә төзекләндерү кагыйдәләрен бозу очрагына тап булган участок инспекторлары һәм экология инспекторы тарафыннан да төзелә.

Зөлфия Әхмәтҗанова,

муниципаль район башкарма комитеты каршындагы административ комиссия
секретаре.