Сишәмбе көнне Җирдә янә магнит давылы көтелә.
Россия Фәннәр академиясенең Космик тикшеренүләр институты һәм Россия Фәннәр академиясенең Себер бүлеге Кояш-җир физикасы институты кояш астрономиясе лабораториясенең инфографикасында шуны күрергә мөмкин.
Билгеләп үтелгәнчә, Мәскәү вакыты белән 6.00-12.00 сәгатьләрдә көчле булмаган магнит давылы (G1 дәрәҗәсе – барлыгы биш дәрәҗә) көтелә. Озак вакытка исәпләнгән фараздан күренгәнчә (25 гыйнвардан 18 февральгә кадәрге чор), Кояшта мондый «кабынып китүләр» бүтән көтелми.
Нет комментариев