Чирмешәндә үзсалым акчаларына яңа күпер төзиләр

Район үзәгендә Зур Чирмешән елгасы аша җәяүлеләр өчен күпер төзи башладылар.

Тимер күпер Береговая һәм Заречная урамнары арасында булачак. Яр кырыйларында терәк баганалар, измә салынып, ясалып бетү хәлендә.

Бу тирәдә яшәүчеләр өчен күпернең кирәклеге хакында күптән сөйлибез.

-Шуңа күрә әлеге эшкә инде җыелган үзсалым акчаларын кулланырга карар кылынды, 2 миллион 146 мең сум акчага төшәчәк бу объект быел, октябрь азакларында файдалануга тапшырылачак, - ди Чирмешән авыл җирлеге башкарма комитеты җитәкчесе Светлана Ганиева.