Журналистлар Әлфия белән Алинәне Яңа ел белән котладылар

Яңа ел бәйрәмнәре алдыннан, "Безнең Чирмешән" газетасы редакциясе хезмәткәрләре Фирдәвес Шакирова тәрбиягә алган Алинә белән Әлфиягә, өйләренә барып, яңа ел күчтәнәчләре тапшырдылар.

Балалар кечкенәдән үк әти-әни назыннан мәхрүм калалар, приютка эләгәләр. Бәхетләренә, нәкъ шул чакта Фирдәвес тәрбиягә бала алу нияте белән йөри. Әлмәттәге балалар йортында күңеле Аннага - Алинәгә тартыла. Аның сеңелесен Татьянаны (бүген аны Әлфия дип йөртәләр) күргәч, икесен дә алырга була. Кызлар инде алты ел Фирдәвескә "әни" дип эндәшәләр, гаилә җылысын тоеп яшиләр.