Чирмешән районында берничә хуҗалык уракны төгәлләде

"ҮтәмешАГРО", "Лениногорск АГРОфирмасы" җәмгыятьләре, Нурлат аграр техникумы филиалы уракны төгәлләделәр дә.

"ЧИРМЕШӘНАГРО", "Чирмешән АГРОхезмәтләре"ндә бөртеклеләр суктыруда комбайннарга нибары берничә көнлек эш калды. Тулаем, район буенча, тагын 11 мең гектардан уңыш җыясы бар, шуның 7 мең гектары - сабан бодае.

"ЧИРМЕШӘНАГРО"да шикәр чөгендере алалар. 450 гектар мәйданның 55 гектарында комбайннар эшләгән дә.

7778 гектарда арыш һәм уҗым бодае чәчелгән (планлаганның 43 проценты). Кайбер хуҗалыкларда бу эш күптән туктатылды, чәчә алмадылар.

9778 гектарда җир эшкәртелгән (тиешленең 19 проценты).

Уҗым культуралары чәчүдә, җир эшкәртүдә "Лениногорск АГРОфирмасы"на тиңнәр юк, бу хуҗалык планлаган барлык эшләрне вакытында үтәп бара.