Мәдәният
Югары Чегодай авылы мәдәният йортында узган бильярд ярышында җиде ир-егет катнашты
Әлеге авылда мондый бәйгене икенче ел оештыралар. Авыл мәдәният йорты хезмәткәрләре һәм мәчеткә йөрүче якташларыбыз быел да бүләкләрне кызганмаганнар.
Ярышның быелгысында төрле яшьтәге җиде ир-егет үзләренең уен осталыкларын күрсәтте. Ике сәгатьләп шар куганнан соң, җиңүченең Рәмис Хәсәншин булуы ачыкланды, икенче урында Шәүкәт Хәйруллин, өченчедә – Ильяс Гатауллин.
-Жиңүчеләрне бүләкләдек. Аннан чәй табыны артында җанлы сөйләшү, вәгазь тыңлау, очрашу-күрешү мизгелләре бик күңелле узды, - диделәр авыл мәдәният йорты хезмәткәрләре.
Следите за самым важным и интересным в Telegram-каналеТатмедиа
Нет комментариев