“ЧИРМЕШӘНАГРО” арпа да суктыра башлады

Бу хуҗалыкта тиешле мәйданнарның 31 процент өлешеннән, ягъни 762 гектардан уңыш җыеп та алынган. Бу хуҗалыкта һәр гектар уртача 29 центнер уңыш бирә. “БИО АГРО”да узган бер көндә 380 гектарны буйсындырганнар. Комбайннар тиешле мәйданнарның 40 проөент өлешендә үк эшне бетергәннәр. Монда да басулар чүпсез.

Тулаем район буенча, бөртекле-кузаклылар 4893 гектардан (16 процент) җыелган. Узган бер көндә 932 гектарда комбайннар узган. Уракны оештыру буенча координацияләү штабында билгеләп үтелгәнчә, урак темпын көчәйтү,уҗым культураларын гына түгел, арпаны да тизрәк җыеп алу мөһим. Яңгырлар башланса эшкә комачаулык килергә мөмкин. Әле бит, җирләрне эшкәртеп, арыш һәм уҗым бодаен да чәчәсе бар. Шунлыктан явым-төшемне дә күпсенү урынсыз,туфракта дым аз.