Ивашкинолылар хәрби операциядәге егетләргә дарулар җибәрә

Әлеге эшләрне оештырып йөргән авыл мәдәният йорты хезмәткәрләре әйтүенчә, авылдашлар моннан алда да гуманитар ярдәм әзерләүдә актив катнашканнар. Сугышчыларга оекбашлар бәйләүчеләр күп булган, окоп шәмнәре ясаганнар. Язын тегелгән йокы капчыклары да ияләренә барып җиткән.

- Барлык авылдашлар диярлек булышты. Әмма аеруча хуҗабикә Светлана Ильинага бик зур рәхмәт. Оештыру эшләрендә ул бу юлы да нык тырышты. Табиблар белән киңәшеп, авылдашлар акчасына  даруханәләрдән  препаратлар: жгутлар, бинтлар, авыртуны баса торган, вирусларга каршы дарулар сатып алдык. Егермеләп төрле препаратлы 30 комплект әзерләнде. Иң мөһиме, шушы бүләкләребез егетләргә, авылдашларга, райондашларга барып ирешсен, - диде  Ивашкино  мәдәният йортының клуб формированиесе  җитәкчесе  Ирина Дмитриева. 

Ирина Дмитриева фотолары