Мошенниклар бер райондашыбызның банк картасыннан 260 мең сумга якын акчасын урлаганнар.
“Банк хезмәткәре” әлеге хатын-кызга шалтыратып, аның банк картасыннан 4500 сум акчасын урлауларын һәм картасына “привязка” белән телефон номерын, картасының паролен сорый. Хатын-кыз сораганнарны үти. Нәтиҗәдә нык алдана.
Узган атнада районда бер юл-транспорт һәлакәте булган – матди зыян белән. Юлда йөрү кагыйдәләрен бозуның 74 очрагы ачыкланган, бер машина йөртүчене транспорт белән аек булмаган хәлдә идарә иткән өчен җаваплылыкка тартачаклар.
Полициянең участок уполномоченныйлары 4 административ беркетмә төзегән.
Законсыз рәвештә спиртлы эчемлек саткан Чирмешән кешесе дә закон каршында җавап бирәчәк.
Яңа Элмәледән берәү үз гаебен танып полициягә килгән: ул Самара шәһәрендә әйберләр урлаган, урланганнарны ломбардка тапшырган булган.
Район полиция бүлекчәсендә бер атнада 32 хәбәр кабул иткәннәр.
Фото: архив.
"Безнең Чирмешән"нең Яндекс Дзен , Телеграм каналында һәм МАХ мессенджеренда иң мөһим, кызыклы вакыйгаларны күзәтегез.
Нет комментариев