Чирмешән районының Мордва Афонькәсе авылында окрошканы бик тәмле ясыйлар

Аны ясау серләрен белән Мордва Афонькәсендә яшәүче Наталья Семкичевадан белештек.

-Мин окрошканы әбиләрдән калган рецепт буенча ясыйм, - ди 20 елдан күбрәк мәдәният йортында эшләүче Наталья Ивановна. – Әлеге салкын аш өчен безгә куас, пешкән ит яисә колбаса, йомырка, кыяр, пешкән бәрәңге, яшел суган, укроп кирәк. Окрошкада булырга тиешле ризыкларны шакмаклап турыйбыз. Кемдер ваграк турый, башкалар эрерәк кисәкләр ярата. Гадәттә, мондый окрошкага куас яисә катык кушабыз. Шулай ук каймак, аның урынына майонез да салырга була.

Наталья Ивановна иренеп тормады, окрошканы шунда ук ясап та күрсәтте.

-Җәй көне без аны бик ешәзерлибез. Бөтен нәрсә үзебезнеке, бакчада үсә бит. Куасны да үзен ясыйм. Яратып ашыйбыз, - ди хуҗабикә.

Салкын окрошкадан без дә авыз иттек, чыннан та бик тәмле килеп чыккан.

Интернеттан да окрошка рецептларын карадым. Аны кефир һәм салкын минераль су кушып та әзерлиләр икән. Тәҗрибәле хуҗабикәләр окрошканы тагын да тәмләтү өчен бер тырнак сарымсак һәм лимон суты да кушып җибәрә.

Фото: автор