“ЧИРМЕШӘНАРГО” җәмгыяте көнбагыш суктыра
Хуҗалык бу культураны тәүге көннәрдә 200 гектардан җыеп алды. Әлегә гектар көче 18 центнер чамасы (узган елда бу күрсәткеч 19-20 центнер булган).
“ЧИРМЕШӘНАГРО” комбайннары әүвәл күрше Шентала районы ягындагы басуларда эшләсәләр, соңгы көннәрдә техникалар юлчылар оешмалары каршындагы кырларга күчерелде. Көнбагышны дүрт комбайн белән суктыралар.
-Әлеге культура барлыгы 1100 гектарда игелде. Соңгы берничә көндә яңгырлар яву сәбәпле, суктыру эшләрен туктатып торырга мәҗбүрбез. Су тулган көнбагыш кәрзиннәре тиз генә җилләми, бөртек дымлы була, - диде “ЧИРМЕШӘНАГРО” җәмгыяте җитәкчесе Илшат Гозәеров.
Районның башка хуҗалыклары көнбагыш суктыруга керешмәделәр әле.
Фото: Илшат Гозәеров.
Следите за самым важным и интересным в Telegram-каналеТатмедиа
Нет комментариев