Чирмешән районында 81 мең 75 тонна ашлык суктырылган

Район авыл хуҗалыгы һәм азык-төлек идарәсе мәгълүматларына караганда, 16 сентябрьгә хуҗалыкларда 31 мең 596 гектар мәйданнан бөртеклеләр суктырып алынган (тиешленең 91,7 проценты). “ЧИРМЕШӘНАГРОХЕЗМӘТЛӘРЕ”, “ЧИРМЕШӘНАГРО” кебек зур хуҗалыклар һәм башка кайбер крестьян-фермер хуҗалыклары урып-җыю эшләрен төгәлләде. Район буенча уртача гектар көче – 25,7 центнер, уңдырышлылыкның иң югарысы “БИО-АГРО” җәмгыятендә – 30,7 центнер.

Көзге чәчү район хуҗалыкларында 12 мең 402 гектар мәйданда башкарылган, тиешленең 73 проценты. “Тепсуркаев В.Ә.” хуҗалыгында бу эшне төгәлләделәр. “БИО-АГРО”да чәчеләсе мәйданнарның 96 процент өлешендә орлыклылар күмдерелгән. “ЧИРМЕШӘНАГРО”да бу күрсәткеч – 85, “Сөлчә”дә – 63, “Әккәрәй”дә – 54, “ЧИРМЕШӘНАГРОХЕЗМӘТЛӘРЕ”ндә 20 процент тәшкил итә. 

Марат Гомәров фотосы.