Безнең Чирмешән
  • Рус Тат
  • Светофорлар тагын булачак

    Район үзәгендәге "Ромашка" балалар бакчасы каршындарак светофор куелды. Чирмешәндә мондый җайланма әле тагын уннан артык урында яначак. Җәяүлеләр юлы хакында машина йөртүчеләрне кисәтеп торучы тәүге светофор былтыр Чирмешәннең Амур ягындагы чиркәү каршында урнаштырылган иде. Быел исә утлы сигналлар саны дистәдән артырга тиеш. Сүнеп-кабынып торучы сары төстәге светофорны "Кәрвансарай" сәүдә үзәге,...

    Район үзәгендәге "Ромашка" балалар бакчасы каршындарак светофор куелды. Чирмешәндә мондый җайланма әле тагын уннан артык урында яначак.
    Җәяүлеләр юлы хакында машина йөртүчеләрне кисәтеп торучы тәүге светофор былтыр Чирмешәннең Амур ягындагы чиркәү каршында урнаштырылган иде. Быел исә утлы сигналлар саны дистәдән артырга тиеш.

    Сүнеп-кабынып торучы сары төстәге светофорны "Кәрвансарай" сәүдә үзәге, "Магнит" кибете, өлкәннәр һәм инвалидлар йорт-интернаты, лицей, Боз сарае, 1нче мәктәп, "Ландыш" балалар бакчасы, "Универмаг" кибете янәшәсендәге җәяүлеләр юлы янында куярга ниятлиләр.

    Сигнал бирүче юл җайланмасы куркынычсыз: ул 12 вольттан эшли, утны да күп алмый: светодиод лампочкалар ике генә ваттлы.

    Марат Гомәров фотолары.

    Нравится
    Поделиться:
    Комментарии (0)
    Осталось символов: