Сак булыгыз

26 декабрьдән 10 январьгә кадәр районда "Игътибар, балалар!" профилактик акциясе узды.

Шушы вакытта район территориясендә балалар катнашында бер юл-транспорт вакыйгасы теркәлде. 2012нче елның 29 декабрендә Кузай-Нурлат юлында (Кара Чишмә белән Елховой арасында) Самара шәһәреннән килүче "Сузуки" җиңел машина йөртүчесе тизлекне дөрес сайламау һәм юл-метеорологик шартларны исәпкә алмау нәтиҗәсендә каршы як полосага чыга һәм "Скания" җиңел машинасы белән бәрелешә.

Әлеге авариядә "Сузуки" пассажиры - 2008нче елгы бала зыян күргән. Аны тән җәрәхәтләре белән район үзәк больницасына озаталар.

ЮХИДИ хезмәткәрләре машина йөртүчеләрне кышкы юлларда аеруча игътибарлы булырга чакыралар.

Рәмис Шәкүров,

ЮХИДИ бүлекчәсенең пропаганда инспекторы.