Чирмешәндә “Тоннель” операциясе дәвам итә

"Тоннель" операциясе кысаларында иртәгә, 6 май көнне районның полиция бүлекчәсе хезмәткәрләре иртәнге сәгать 8дән 12гә кадәр Техническая урамында машина йөртүчеләрне туктатып тикшерәчәк.

Узган атнадагы шундый тикшерү вакытында кагыйдә бозучыларга карата алты беркетмә төзелгән. Машина йөртүчеләр арасында куркынычсызлык каешларын такмаучылар, балаларын махсус утыргычларда йөртмәүчеләр һәм машиналарын иминиятләштермәүчеләр булган. Шулай да, "Тоннель" операциясенең төп максаты - алкоголь эчемлекләр кулланып һәм машина йөртү таныклыгы булмыйча руль артына утыручыларны ачыклау, диләр инспекторлар.