Юл хәрәкәте
Чирмешәндә машина йөртүче җәяүлене күрмәгән
Күтәмә авылы янындагы фаҗигале хәл - бер ир-атны автомашина бәрдерүе хакында язган идек инде. Юл һәлакәтендә Лашман авылыннан булган бу җәяүленең гомере өзелә. Кем белә, әгәр мәрхүмнең өстендә ут кайтаргыч элементлар, я утта чагылучы шундыйрак кием булса, бәлки мондый бәхетсезлек килеп чыкмас та иде. Һәрхәлдә автоинспекторлар шулайрак, ди. Юл фаҗигасе...
Күтәмә авылы янындагы фаҗигале хәл - бер ир-атны автомашина бәрдерүе хакында язган идек инде. Юл һәлакәтендә Лашман авылыннан булган бу җәяүленең гомере өзелә.
Кем белә, әгәр мәрхүмнең өстендә ут кайтаргыч элементлар, я утта чагылучы шундыйрак кием булса, бәлки мондый бәхетсезлек килеп чыкмас та иде. Һәрхәлдә автоинспекторлар шулайрак, ди. Юл фаҗигасе кичке унынчыларда булган. Караңгылык аркасында машина йөртүче җәяүлене күрмичә кала.
-Юл йөрү кагыйдәләре буенча, караңгыда торак пунктлар читендәге юлга чыкканда, җәяүле транспорт чаралары йөртүчеләре күрерлек ут кайтаргыч элементлар тагарга, яисә шундый кием кияргә бурычлы. Бу торак пунктларда да киңәш ителә, - ди районның ЮХИДИ бүлекчәсе инспекторы Рәмис Шәкүров. - Караңгы вакытта якын арадагы - ближний фаралар белән барганда, машина йөртүче җәяүлене 50 метрлардан күреп ала. Әгәр инде ут кайтаргыч булса, бу ара 200 метрга кадәр арта, ди белгечләр.
Следите за самым важным и интересным в Telegram-каналеТатмедиа
Нет комментариев