Ашыгырга ярамый

Агымдагы елның 11 аенда район юлларында булган 17 һәлакәттә 8 кеше һәлак булган һәм 25 кеше төрле дәрәҗәдә җәрәхәтләр алган.

Чагыштыру өчен: 2011 елның шул чорында 25 юл-транспорт һәлакәтендә 10 кеше үлгән, 26 кеше яраланган.
Һәлакәтләрнең сигезесе район территориясендә яшәүче машина йөртүчеләр гаебе белән килеп чыккан. Аларда 6 кеше һәлак булган, 12 кеше яраланган.

Балалар катнашында булган 4 юл-транспорт вакыйгасында 6 бала яра-лану алган. Үткән елның шул чорында 2 һәлакәттә 2 бала җәрәхәтләнгән иде.

6 юл-транспорт һәлакәте - тизлек режимын арттыру, 4се - транспортны юлда калдыру, 3әр очракта юл киселешен дөрес узмау һәм машина йөртү таныклыгы булмаган килеш идарә итү, 1 очракта йөк ташу кагыйдәләрен бозу белән бәйле.

Бәхеткә, быел исерек килеш машина йөртүчеләр гаебе белән һәлакәтләр теркәлмәгән (үткән елның шул чорында - ике очрак).