Каз итеме, тай итеме?..

Бүген каз ите дә, тай ите дә табып булмаслык әйбер түгел. Район үзәгендәге соңгы ярминкәдә, ул якшәмбе көнне оештырылды, бер меңгә - тере казлар, килограммын 240 сумнан - сыер ите, 175 сумга дуңгыз ите дә саттылар.

Кондитер ризыклары, өс, баш, аяк киемнәре, бозаулар, яшелчә, бал, шашлык та бар иде. Сатучыларның күбесе тирә-яктан - Яр Чаллыдан, Әлмәттән, Самара өлкәсеннән.

Һава торышы көйсезрәк, аяк асты юеш булса да, ярминкәгә йөзләрчә кеше килде, товарлы булды. Кызганыч, бу юлы да фураж тәкъдим итүчеләр күренмәде шикелле.