Чирмешән яшьләре спортны ярата

Соңгы вакытларда Чирмешән яшьләре спортта аеруча активлык күрсәтте. Чирмешән елгасы буенда пляж волейболы уйнасалар, лицейның спорт мәйданчыгында туп типтеләр.

Пляж волейболында Ивашкино, Күтәмә, Чирмешән авылларыннан тугыз команда катнашты. Кызлар арасында Ивашкинодан Ольга Андреева һәм Татьяна Апалаевалар командасы иң җитезләр дип табылды. Ә малайлардан Чирмешәннән Роберт Бадикян һәм Максим Овсянниковларга тиңнәр булмады.

Мини-футбол кырында "Чирмешән яшьләре" белән "Хезмәт резервы" командалары очрашты. Иптәшләрчә матчта яшьләр көчлерәк булып чыкты, уен алар файдасына 9:5 исәбенә тәмамланды.