Түбән Кәминкә җирлегендә үзсалым җыю төгәлләнә дә

Җирлектә узган референдум вакытында балигъ булган  һәр кешедән 550 сум күләмендә үзсалым җыярга килешенгән. Республикадан биреләчәк ярдәмне дә исәпкә алып, бу акчаларга нинди эшләр башкарачакларын да конкрет планлаганнар.

-1 апрельгә кадәр җыелган салымга дәүләт ярдәме елның беренче яртысында кайтачак. Без иң элек аны кыш айларында урам юлларын кардан чистартуга, тракторны карап торуга тотачакбыз, - ди Түбән Кәминкә авыл җирлеге башлыгы Рәдиф Халиков. -  Шулай ук Түбән Кәминкә һәм Кара Чишмә авылларындагы су башняларын буяуга, янгын куркынычсызлыгы җиһазлары (гидрант, шланг) сатып алуга һәм Түбән Кәминкә авылында  суүткәречләрне яңарту өчен проект ясауга кулланырга планлыйбыз.

Автор фотосы