Тагын су юк

Чирмешәннең төньяк урамнарында яшәүче халык узган шимбә һәм якшәмбедә төне буе су җыярга мәҗбүр булды. Чөнки көндез краннар коры торды.

Елдагыча, бераз кыздыра башласа, сусызлыктан интегеүче халык бер үк сорауны бирә: бу проблема кайчан уңай чишелер икән? Насослар начар эшлиме, каптажда су азаямы яки башка сәбәпме? Чирмешән районы коммуналь челтәрләре җәмгыяте директоры Илнар Минһаҗев бу сорауны болай җаваплары: - Язгы-җәйге чор җитү белән халык тарафыннан су куллану күләме арта. Аннан соң инде яңа каптаж төзү нәтиҗәсендә, аның искесендә су азайды. Яңа каптажның тагын бер насосы эшкә кушылачак. Өлешчә бу су проблемасын хәл итәргә мөмкинлек бирергә тиеш. Җәй дәвамында яңа каптажны тулысынча файдалануга тапшырырга ниятлибез.