Чирмешәннең “Умырзая” ансамбле “Этномириада” фестиваленнән беренче урын алып кайтты
Район мәдәният йортының “Умырзая” татар халык ансамбле (җитәкчесе - Рәхилә Шакирова) «Этномириада» Халыкара традицион сәнгатьле мәдәният бәйге-фестиваленнән беренче дәрәҗә лауреат булып кайтты.
Казан мәдәният институтында әлеге бәйге төрле номинацияләрдә уза. Безнең якташлар фольклор коллективлары белән көч сынашканнар, “Чабата – тула оек” фольклор бию тәкъдим иткәннәр. Сиксәнгә якын ансамбль арасында “Умырзая”ның чыгышы жюриның югары бәясенә лаек булган.
Ансамбль төрле яшьтәге, төрле оешмаларда хезмәт куючы, җыр-моң сөюче 17 кешене берләштерә. Алар республика күләмендә узучы бәйгеләрдә еш җиңү яулыйлар, халыкара конкурсларда да танылып киләләр.
Фото: Рәхилә Шакирова.
Следите за самым важным и интересным в Telegram-каналеТатмедиа
Нет комментариев