Ике объектта да бергә эшлиләр

"Татнефтедор" автомобиль юллары идарәсенең район филиалы көче белән Нагорный һәм Чуваш Афонькәсе (Шешминка) авылларының үзәк урамнары һәм трассадан керү юлларында эш дәвам итә.

Нагорныйда 1 километр - 900 метр, Чуваш Афонькәсендә 1 километр озынлыгында юлны күтәреп, ком түшәгәннәр.

"Ике объектта эш бергә алып барыла. Һәр көнне 10 берәмлек техника эшли. Идарә автомашиналары Андреевка карьерыннан шул юлларга вак таш ташыйлар.

Юлның күп өлешенә таш түшәлде дә, әле башкарыласы эш тә аз түгел,- ди идарә начальнигы Дамир Мәгъсумов.