Безнең Чирмешән
  • Рус Тат
  • Чирмешән районында яшәүче ике якташыбыз "Татмедиа" бүләген отты

    2018 елның беренче яртысына "Татмедиа" басмаларына иң актив язылган "Подписка өчен - телевизор!" акциясендә катнашкан ике якташыбыз отышка ия булды. Кара Чишмәдән Гөлнур Хәмәдиевага һәм Иске Кадидан Динә Вәлиуллинага әлеге бүләкләрне тантаналы төстә тапшырдык. -Ел да 6-7 басмага язылабыз, аеруча "Безнең Чирмешән"не яратып, кулдан-кулга йөртеп укыйбыз, - ди сарык йоныннан...

    2018 елның беренче яртысына "Татмедиа" басмаларына иң актив язылган "Подписка өчен - телевизор!" акциясендә катнашкан ике якташыбыз отышка ия булды.

    Кара Чишмәдән Гөлнур Хәмәдиевага һәм Иске Кадидан Динә Вәлиуллинага әлеге бүләкләрне тантаналы төстә тапшырдык.

    -Ел да 6-7 басмага язылабыз, аеруча "Безнең Чирмешән"не яратып, кулдан-кулга йөртеп укыйбыз, - ди сарык йоныннан одеял откан Гөлнур Хәмәдиева.

    Район газетасы редакциясенә килгән икенче кунагыбыз - Динә Вәлиуллина мәктәптә эшли, укытучы. Иске Кадига Кама Тамагы районыннан килен булып килгән.

    -Район газетасында үзебезнең авыл хәбәрләрен кызыксынып укыйм, - ди Динә. -"Сабантуй", "Салават күпере", "Көмеш кыңгырау", "Мәгариф", башка кайбер газета-журналларны да гел алдырабыз. Аларны оныклар белән дә карыйбыз, укыйбыз, яңалыклар белән танышабыз. Матбугат басмаларында эшебездә кирәкле мәгълүматлар да күп басыла.

    "Подписка өчен - телевизор!" акциясендә теләп катнаштым, бүләк отуыма бик сөендем.

    "Подписка өчен - телевизор!" акциясенең төп бүләге - төсле телевизор бу юлы Мамадышка китте.Отышлар арасында өч данә санлы фотоаппарат, шулай ук сарык йоныннан одеяллар, башка бүләкләр дә бар иде.

    "Подписка өчен - телевизор!" акциясендә катнашу бик ансат: "Татмедиа, басмаларына язылуны раслаучы квитанцияләр нөсхәләрен 420066, Казан, Декабристлар урамы, 2 адресына, "Акция" тамгасы куеп җибәрү генә сорала. Адресыгызны, телефон номерыгызны күрсәтсәгез яхшы. Иң мөһиме: отышлар уйнатуда катнашучы "Татмедиа" акционерлык җәмгыяте нәшер итүче кимендә өч басмага (шул исәптән район газетасына) язылырга тиеш (елның алдагы 6 аена).

    Кадрия Гамирова фотолары

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: