Чирмешән районында туйлар кими, балалар азрак туа

Кыш айларында туйлар сирәгәйгән

Елның соңгы аенда район ЗАГС бүлегендә бары бер пар никахларын теркәячәк. Январь һәм февраль айларына да берәр генә пардан гариза кергән.

Ноябрь аенда районда дүрт яңа гаилә барлыкка килгән, ә ел башыннан 99 гаилә үзләренең никахларын рәсмиләштергән, ягъни үткән елның шул чоры белән чагыштырганда алтыга кимрәк.

Гаиләләр нык түгел

Агымдагы елның унбер аенда районда 36 гаилә таркалырга өлгергән, бу үткән елның шул чорындагыдан да бергә күбрәк. Әлеге гаиләләрнең икесе әле ноябрь аенда гына аерылышкан.

Үлүчеләр күп

Кызганыч, районда үлүчеләр саны үткән елгыдан да артып киткән. Быел 295 кеше бакыйлыкка күчкән, шуларның 23се ноябрьдә (2016 елда 283 кеше вафат булган).

Кадрия Гамирова фотосы