Чирмешән районында агрегатлар кырга чыкты

Районда әлегә 726 гектарда күпьеллык үләннәр тупландырылды. Бу эштә "ЧИРМЕШӘНАГРО", "Сөлчә", "Күтәмә АГРОфирмасы" өлгерләр. "ЧИРМЕШӘНАГРО" һәм "Күтәмә АГРОфирмасы" уҗым культураларын да минераль ашламалар белән сыйлый башладылар. "ЧИРМЕШӘНАРГО"ның берничә агрегаты көздән сөрелгән җирләрне тырмалау белән мәшгуль.

- Җир юешрәк, әмма тиз кибә, - ди "ЧИРМЕШӘНАГРО"ның былтыр шикәр чөгендере игелгән участогында эшләүче Тәлгать Нуретдинов. Тәҗрибәле механизатор 21 метрлы тырма агрегаты белән Шентала уңаендагы бу урында инде икенче көн дым каплата.